CDO-Banner

Pagtukod sa Oro Kalandang (Kalinaw) Center masugdan na

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Roel Felicitas

MATUKOD na sa dili madugay ang Oro Kalandang (Kalinaw) Center o halfway house alang sa mga former rebels (FRs) nga mibalik sa sabakan sa gobiyerno human kini gisubhan niadtong Biyernes, Pebrero 7.

Sila si Mayor Oscar Moreno, Vice Mayor Raineir Joaquin Uy, 1st Dist. Rep. Rolando Uy uban ni PCOO Sec. Martin Andanar ug USec. Reynaldo Mapagu, Chairperson sa Task Force Balik-Loob sa Department of National Defense, ang nangulo sa groundbreaking ug uban pa nga mga dagkong opisyal sa nasyonal nga buhatan ingon man sa mga opisyal sa syudad ug department heads sa city hall.

Si Usec Mapagu mipasabot nga tumong sa maong proyekto nga makabaton og temporary nga kapuy-an ang mga FRs nga mibalik sa gobiyerno diin sa maong balay ipaubos sila sa nagkadaiyang intervention program sama sa psychosocial therapy, spiritual ug uban pa.

“Doon natin malalaman kung ano ang kanilang mga pangangailangan,” dugang ni Usec. Mapagu.

Sa iyang bahin, si Mayor Moreno namahayag nga ang proyekto usa sa mga intervention program sa syudad aron matubag ang armed-conflict sa nasud tali sa mga kasundalohan ug New People’s Army (NPA) ug uban pa nga mga grupo.

“How do we end the conflict? By addressing the root cause of the problem,” matud ni Mayor Moreno.

Ang syudad maoy nagpalit sa yuta nga tukuran sa proyekto inabagan sa Department of Interior & Local Government (DILG) nga mihatag og P5 milyones alang sa gambalay isip kabahin sa Enhanced Comprehensive Local Integration Program (ECLIP) nga gihingusgan sa administrasyon ni Pres. Rodrigo Duterte.oro_kalandang_1_re.jpgoro_kalandang_re.jpg

Recent News