CDO-Banner

Pagbahog og lamaw sa mga buhing baboy hugot gidili

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde 

SUBLING nanawagan ug nagpahinumdum ang Anti-African Swine Fever Task Force sa mga backyard hog raisers nga dili gayud magbahog og lamaw o pasaw sa ilang mga binuhing baboy ilabina ang mga lamaw nga gikan sa mga restaurants, hotel, fastfoods, karenderya ug uban pa aron malikayan ang African Swine Fever.

Kini nga panawagan nunot sa pagsulod na sa ASF sa pulo sa Mindanao partikular na sa Davao Occidental diin liboan na ka mga baboy ang nangamatay.

Si City Veterinarian Dr. Lucien Anthony Acac nga mao usab ang nangulo sa Task Force namahayag nga kinahanglan magmabinantayon gayud ang mga backyard hog raisers sa bahog nga ipakaon sa ilang mga buhing baboy.

“Usa ang lamaw sa mga causes nga mataptan og ASF ang mga buhing baboy,” dugang ni Dr. Acac.

Gikabutyag nga mas sayon mataptan og ASF ang mga backyard hogs kay kadaghanan niini lamaw ang ipakaon sa mga tag-iya ug dili feeds tungod lagi kay mahal.

Mas gipalig-on pa sa Task Force ang surveillance ug monitoring ingon man ang intervention aron dili makasulod sa Cagayan de Oro ang ASF pinaagi sa pagbantay sa mga boarders.

Recent News