CDO-Banner

Bag-ong opisyales sa Reg’l Coop Dev’t Council mihurar

User Rating: 0 / 5

Star inactiveStar inactiveStar inactiveStar inactiveStar inactive
 

By Archie Pagayaman / photo by Nick Anches

MIHURAR atubangan ni Mayor Oscar S. Moreno ang mga bag-ong napili nga opisyales sa Regional Cooperative Development Council (RCDC 10) sa Mayor's Boardroom, City Hall, Pebrero 10 ning tuig.

Milingkod isip Chairman sa RCDC 10 si Deal Noel Benegrado (CLIMBS), Vice chairman Virginia S. Deguinion (CHEMCO), Secretary Alice A. Coronado (LGU-Iligan), Treasurer Myrna Sescon (MCCB), ug Auditor Rodger M. Zerna (LGU-CdeO).

Gibutyag ni Zerna, Cooperative Program Coordinator sa Community Improvement Division, nga ang pag-host sa syudad sa 1st Regular Meeting & Induction of Officers sa RCDC 10 nunot sa suporta ni Mayor Moreno sa kalihukan sa kooperatiba dili lang sa dakbayan apan sa tibuok rehiyon.

Hugot ang pagtuo ni Moreno nga mahinungdanon ang pagtunhay sa kooperatiba sa katilingban alang sa malungtarong kalamboan. Gidayig usab niya ang prinsipyo sa kooperatibismo nga adunay 'co-ownership’ ug ‘equality' sa matag miyembro.

Gipunting usab sa mayor nga sa paglambo sa usa ka lugar, angay huptan ang prinsipyo sa 'whole of nation, whole of society ug whole of government approach'.

Dugtong pa ni Mayor Moreno nga ang lagsik nga kalihukan sa kooperatibismo nagsalamin sa panaghiusa sa katawhan.rcdc_re.jpg

Recent News