CDO-Banner

Mga nasunogan prayoridad sa livelihood program sa DOLE – Cong Klarex

User Rating: 0 / 5

Star inactiveStar inactiveStar inactiveStar inactiveStar inactive
 

KLAREX UPDATE

By Fred Dellava / photo by Julius Dimaligalig

PINAAGI sa inisyatiba ug paggahin sa pondo sa buhatan ni Cagayan de Oro City 1st District Congressman Rolando ‘Klarex’ Uy ngadto sa Department of Labor and Employment (DOLE), mahatagan gayud sa kahigayunan ang katawhan ilabina ang mga nasunugan nga makabaton sa dinaliang trabaho alang sa ilang pamilya.

Kini pinaagi sa Tulong Panghanapbuhay sa Ating Disadvantage/Displaced Workers (TUPAD) sa DOLE nga hugot gisuportahan ni Cong. Klarex.

Sumala ni JB Labeta, focal person sa TUPAD, motrabaho sulod sa napulo hangtod kinse ka adlaw ang 475 ka mga benepisyaryo kung asa makadawat sa minimum nga suhulan nga P365 matag adlaw.

Matod ni Labeta, gitinguha gayud ni Cong. Klarex nga matabangan ang katawhan ilabina ang mga nasunugan sa miaging buwan sama sa Barangay Carmen ug Barangay Bayabas.

“Nagpasalamat og dako si Cong. Klarex Uy sa DOLE nga gihatagan kita og programa nga TUPAD nga makahatag og dinaliang panginabuhian sa atong mga kaigsuonan,” tipik sa pamahayag ni Labeta.

Nasayran niadtong Lunes, Pebrero 10, gipahigayon ang orientation sa mga benepisyaryo nga gikan sa nagkalain-laing barangay sama sa Lumbia, Balulang, Carmen, Pagatpat, Canitoan, Bayabas, Kauswagan, Bonbon ug Barangay Patag.

Ang nasampit nga TUPAD orientation gitambongan nila ni Eva Acosta Borba, provincial head sa DOLE-10; Roy Casiño, local executive officer II sa DOLE; Shiela Lumbatan, chief of staff ni Cong. Klarex ug Barangay Kagawad Cyrill Ranile nga nagrepresenta kang Punong Barangay Lorna Uy. TUPAD_3.jpgtupad_2.jpg

Recent News