CDO-Banner

Mga personahe sa CDRRMD gibansay kalabot sa COVID

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Roel Felicitas

TUNGOD sa mas gipahugtan nga monitoring ug surveillance sa kasamtangang Coronavirus Disease (COVID 19) nga nasinati sa halos tibuok kalibutan ug lakip dinhi ning syudad, gibansay sa Department of Health (DoH) ang mga personahe sa City Disaster Risk Reduction and Management Department (CDRRMD) sa saktong paagi sa infection control isip mga front liners ug responders.

Matud ni Nick Jabagat, officer in charge sa CDRRMD, mahinungdanon nga makat-onan sa mga responders ang saktong paggamit sa personal protective gears (PPGs) ilabina nga nagpadayon ang pagsaka sa ihap sa mga Perons Under Investigation (PUIs) sa nasud ug lakip dinhi sa rehiyon.

Gani man, mismo si Dr Ian Christian A. Gonzales, kinsa mao ang cluster head sa Infectious Disease ug Ms Nur-Aian R. Caridad, ang Heath Education Promotion Officer III sa DOH, ang mipasabot sa kamahinungdanon sa saktong paggamit ug pag-dispose sa PPGs aron usab sa proteksiyon batok sa virus.

Samtang, padayon ang gihimong close monitoring ug surveillance sa city task force sa pagpangulo ni Dr Lorraine Nery sa City Health Office alang sa mga posibleng PUIs sa tinguha nga mamintinar ang ‘zero case’ sa syudad.

Nalatid sa memorandum nga gipagula sa Department of Interior and Local Government (DILG) ang kamandoan sa matag local government units sa pagbaton og PPGs alang sa mga responders ug health workers.

Kahinumdoman nga activated na ang mga Barangay Health Emergency Response Team (Bhert) sa 80 ka barangay sa Cagayan de Oro ug aktibo kining nagpahigayon sa ilang tagsa-tagsa ka tahas. covid_re.jpgcovid_1_re.jpgcovid_2_re.jpg

Recent News