CDO-Banner

Kapin 20 ka transport groups nagtigom sa PUV Modernization Program dialogue

User Rating: 0 / 5

Star inactiveStar inactiveStar inactiveStar inactiveStar inactive
 

By Archie Pagayaman / photo by Roel Felicitas

KAPIN 20 ka transport associations ug kooperatiba sa Cagayan de Oro ug kasikbit nga lugar ang misalmot sa gipahigayong 'Mag Estorya Ta' dialogue kabahin sa Public Utility Vehicle Modernization Program kon PUV-MP sa Golden Hat Café, Baloy, Tablon ning syudad, Pebrero 12 ning tuig.

Ang dialogue gipasiugdahan sa kagamhanan ning syudad pinaagi sa Community Improvement Division pinangulohan ni Ms. Marisa M. Tagarda, CID Officer in Charge uban sa Land Transportation Franchising and Regulatory Board (LTFRB), Office of Transportation Cooperatives (OTC) ug Cooperative Development Authority (CDA 10).

Nagtuo ang nahisgutang mga ahensya nga sukad gilagdaan ang PUV Modernization sa Department of Transportation niadtong Hunyo 2017 pinaagi sa DoTr Order 2017-11 daghan pa gihapon ang adunay kalibog sa implementasyon niini karong Hunyo ning tuig.

Busa atol sa dialogue, nahisgutan ug gitubag ang mga pangutana, isyu, problema ug mga hagit sa nagkaduol nga full implementation sa programa. Nahimong moderator si Mr. Camcer Imam, Regional Desk Officer sa OTC Help Desk 10.

Milingkod usab sa panel si Dir. Aminoden M. Guro sa LTFRB-RFRO 10; Dir. Glenn Garcia sa CDA 10; Dir. Eugene Pabualan sa OTC; Mr. Oliver Eqypto, acting City Administrator LGU-CDO; Eng'r. Nonito Oclarit, Assistant Department Head sa Roads and Traffic Administration (RTA); Col. Rizalino Borlagdatan, RTA Acting Head; Mr. Neil Eurquez sa Development Bank of the Philippines (DBP) ug representante sa Landbank of the Philippines; Kagawad Teodulfo Lao Jr., chairman sa Committee on Public Transport ug Kagawad Enrico Salcedo, chairman sa Committee on Cooperatives.

Lakip sa gisang-at nga mga issues ug concerns ang 1) Route plan, 2) Registration and Accreditation sa bag-ong coop, 3) Problema sa loan grants sa banking institutions, ug 4) Kakulangon sa Education & Trainings.

Gikan sa orihinal nga 53 ka rota, anaa na karon sa 60 ka rota. Ang LTPRP tun-an pa sa technical division sa LTFRB ayha pa kini himuan og ordinansa sa konseho. puv_re.jpgpuv_1_re.jpg

Recent News