CDO-Banner

Katawhan sa Dansolihon nakapahimulos sa mobile civil registration

User Rating: 0 / 5

Star inactiveStar inactiveStar inactiveStar inactiveStar inactive
 

By Nica Borja / photo by Jay Arancon

ALAYON sa pagsaulog sa ika-30 ka tuig nga Civil Registration Month uban sa temang, “Shaping RVS by Embracing New Trends in the 4th Industrial Revolution (4IR),” gipahigayon ang usa ka mobile civil registration, Pebrero 11, diha sa Sitio Macopa, Barangay Dansolihon, ning siyudad.

Usa sa 44 ka benepisyaryo si Patricia Linsagan, molupyo sa Sitio Iba, Barangay Dansolihon diin iyang gibutyag nga siya malipayon human nakapahimulos sa maong serbisyo.

“Nagpasalamat ko sa Ginoo kay dinhi gidala sa amo ang serbisyo. Dili nami magkalas og pamasahe. Mapasalamaton usab ko kang Mayor Moreno kay iyang gimugna ni nga kapulongan aron iyang katawhan dili na magproblema,” pahayag ni Linsagan.

Ang kalihokan usa ka inisyatiba sa City Civil Registry ubos ni City Civil Registrar Evangeline Tapangan, uban sa pag-abag sa Philippine Statistics Authority.

Subay niini, ipahigayon usab ang mass wedding nga pangulohan ni Mayor Oscar Moreno ugmang adlawa, Pebrero 14 alang sa kapin 100 ka paresan diha sa High Ridge atol sa ika-siyam nga “I DO. I DO. Araw ng Pag-Ibig”.civil_re.jpgcivil_1_re.jpg

Recent News