CDO-Banner

Public hearing sa proyekto ni Cong Klarex sa Carmen nagmalampuson

User Rating: 0 / 5

Star inactiveStar inactiveStar inactiveStar inactiveStar inactive
 

KLAREX UPDATE

By Fred Dellava / photo by Office of Cong Klarex Uy

POSITIBO ang pagdawat sa katawhan sa Zone 12, Barangay Carmen sa gipahigayong public hearing sa buhatan ni 1st District Congressman Rolando ‘Klarex Uy bag-ohay lang.

Gipahigayon ang public hearing sa tinguha nga mahan-ay ang proyekto nga pagpasemento sa dalan nga may gitas-ong 200 metros diin pagasugdan sa dili madugay sa Department of Public Works and Highways (DPWH) 1st District Engineering Office.

Gisaysay ni Ms Sheila Lumbatan, Chief of Staff ni Cong Klarex, nga ang maong proyekto tipik lamang sa gisaad sa kongresista nga sa dili pa mahuman ang iyang termino mapasemento na gayud ang maong dalan.

“Pamatuod kini nga wala gayud pasagdi ni Cong. Klarex ang katawhan sa iyang distrito ilabina dinhi sa Carmen,” tipik sa pamahayag ni Lumbatan.

Dugtong niini, miapela usab ang opisyal sa kooperasyon sa katawhan sa pagsugod unya sa nasangit nga proyekto.

“Kabahin kini sa proyekto ni Cong. Klarex nga mahatagan og maayong dalan ang katawhan ilabina nga dugay na usab nga panahon sila nag-antus sa ilang agi-anan,” dugtong ni Lumbatan.

Gitambongan sa mga personahe sa DPWH ang public hearing sama nilang Engr. Marlon Tadle, quantity engineer; Engr. Denrichmuyo Bactong, project engineer ug Engr. Ronald Aberin, head sa planning section.

Gawas sa mga personahe sa DPWH, mitambong usab sa public hearing ang mismong contractor nga si Alfred Cuenco ug Terio Tanguhan, presidente sa DUHAI organization; ug Rebecca Obsioma, zone leader. klarex_2.jpg

Recent News