CDO-Banner

#DISIPLINAMUNA Advocacy Campaign gilusad sa CDO

User Rating: 0 / 5

Star inactiveStar inactiveStar inactiveStar inactiveStar inactive
 

Spencer/Photos by Jay Arancon

NAGMALAMPUSON ang paglusad sa #DISIPLINAMUNA Advocacy Campaign nga gipangulohan sa Department of the Interior and Local Government (DILG) niadtong Pebrero 13 dinhi sa dakbayan sa Cagayan de Oro.



Tumong sa ‘advocacy campaign’ nga mas hingusgan pa ang implementasyon ug pagpatuman sa mga nasudnong balaod ug kampanya hilabi na sa droga, ‘road clearing’, ‘ease-of-doing-business’, ‘risk reduction management’, ‘ban’ alang sa ilimnong makahubog ug pagpanigarilyo.



Pinaagi sa iyang mensahe, giaghat ni DILG Secretary Eduardo M. Año ang tanang kawani sa gobyerno gikan sa mga nasyonal nga ahensya, mga lokal nga kagamhanan lakip usab ang mga miyembro sa ‘academe’ ug mga pribadong organisasyon nga magtinabangay ug mosuporta sa gobyerno aron mas magmalampuson ang programa niini.



Gipanawagan usab ni Sec. Año nga undangon na ang ‘insurgency’, ‘abuse’, ‘violence’ aron sa mas malinawon nga komunidad ug mihangyo usab siya nga pagabuhaton ang tagsa-tagsa’ng responsibilidad sa matag usa sa panahon sa nasudnong krisis.



Atol sa paglusad, pipila ka mga programa sa gobyerno ang gihisgutan sa DILG Secretary sama sa Task Force to End Local Communist Armed Conflict kon (TF-ELCAC), Enhanced Comprehensive Local Integration Program (ECLIP) ug uban pang ‘peacekeeping efforts’ nga walay puwas nga ginasuportahan sa administrasyon ni Mayor Oscar Moreno.



Layon usab sa #DISIPLINAMUNA nga mapalapdan ang ‘people’s participation’, ‘discipline’ ug ‘unity’ sa katawhan para mas mapadali ang pagkab-ot sa kalamboan sa tibuok nasud alayon sa ‘whole-of-nation approach’ nga gihingusgan sa kasamtangang administrasyon ni Presidente Duterte.



Hugot nga suporta ang gipadayag sa mga opisyales sa mga lokal nga kagamhanan gikan sa lain-laing munisipalidad, syudad ug probinsya sa rehiyon diyes lakip na niini si Mayor Oscar Moreno ug mga miyembro sa 19th City Council kinsa aktibong milambigit sa maong kalihokan.



Matud ni Sec. Año, “change must emanate from within,” maong isip panapos sa aktibidad, hiniusang nanumpa ang tanan partisipante sa #DISIPLINAMUNA Pledge nga maoy simbolo sa ilang suporta ngadto sa gobyerno.


IMG_0194_re.jpgIMG_0102_re.jpg

Recent News