CDO-Banner

Transport coops gidasig magparehistro ug accreditation nunot sa PUV Modernization Program

User Rating: 0 / 5

Star inactiveStar inactiveStar inactiveStar inactiveStar inactive
 

By Archie Pagayaman / photo by Roel Felicitas

GIDASIG ni Director Eugene Pabualan sa Office of Transportation Cooperatives (OTC) ang mga transport cooperatives nga magparehistro na sa Cooperative Development Authority (CDA) ug magpa-accredit sa OTC aron mahatagan og prangkisa sa Land Transportation, Franchising and Regulatory Board (LTFRB)

Ang hangyo gipadayag kagahapon ni Pabualan atol sa dialogue nunot na usab sa implementasyon sa Public Utility Vehicle Modernization Program nga hingpit nang ipatuman karong umaabot bulan sa Hunyo ning tuig.

Samtang gipasalig ni Rodger Zerna, Coop Program Coordinator sa Community Improvement Division (CID) nga andam ang ilang buhatan pag-facilitate sa mga coops nga buot magparehistro sa CDA ug magpa-accredit sa OTC.

Dugang pa ni Zerna nga nakahan-ay na usab ang mga Capacity Development Trainings aron magiyahan ug mahibaloan sa mga transport cooperatives ang angay’ng buhaton subay sa PUV-MP.

Sa iyang kabahin, gibutyag ni Mr. Oliver Egypto, Acting City Administrator ug Head sa Office for Community Affairs, nga 'teamwork’ ang yawe sa kalampusan sa matag organisasyon alang niining PUV-MP, ug gipasalig ang suporta sa kagamhanan ning syudad ubos sa administrasyon ni Mayor Oscar S. Moreno.PUV_re.jpgPUV1_re.jpg

Recent News