CDO-Banner

Bag-ong firetruck gitunol ni Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive
 

By Archie Pagayaman / Photos by Myiah Panganiban

 

MAPASALAMATON ang Cagayan de Oro City Fire District pinanguluhan ni City Fire Marshall Supt. Alan Cabut human midawat sa usa ka firetruck gikan sa kagamhanang lokal sa syudad pinangulohan ni Mayor Oscar S. Moreno atol sa Flag Raising Ceremony sa City Hall, Pebrero 17 ning tuig.

Matud ni Mr. Nick Jabagat, City Disaster Risk Reduction and Management Department Head, nunot kini sa laraw ni Mayor Moreno nga mamahimong 'resilient' ang katawhan sa unsa mang katalagman ilabina nga sa milabayng tuig taas ang ihap sa insidente sa sunog nga nasinati sa syudad.

Gipasalamatan usab niini si kanhi CDRRMD Overseer Col. Mario Verner Monsanto ug ang 19th City Council pinangulohan ni Vice Mayor Rainier Joaquin 'Kikang Uy' sa pagpalit sa maong fire truck.

Ang firetruck adunay 1800 liters water capacity, ug lakip niini ang duha ka bunker coat, usa ka base radio ug duha ka fire nozzle.

Gawas sa donasyon sa syudad, nakadawat usab ang Cagayan de Oro City Fire District sa usa ka Super Tanker Fire truck nga dunay 10,000 liters water capacity gikan sa nasudnong kagamhanan.

Samtang gipasabot pag-usab ni Acting City Administrator ug Office of Community Affairs Head Mr. Oliver Egypto ang mantra sa syudad nga 'Mahimo man diay kung Magtinabangay'.

'Ang responsibilidad sa pagprotekta, sa pagsiguro nga ang tibuok dakbayan sa Cagayan de Oro hapsay ug protektado gikan sa bisan unsa nga hulga o unsa mang katalagman, dili lang kini obligasyon sa city government ug national government, apan kitang tanan kabahin niini,' dugang ni Egypto.



 

IMG_3308edited_RE.jpgIMG_3318_RE.jpgIMG_3305edited_RE.jpg

 

Recent News