CDO-Banner

Moreno: Pagpasiga sa Ysalina Bridge testamento sa kolaborasyon, teamwork

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes / Stephen Capillas / photo by Wowel Condeza

ANG pagpasiga sa Ysalina Bridge usa lang ka gamay’ng pagmatuod nga adunay mahimo ug makab-ot ang tanan kung anaa ang pagtinabangay ug panaghiusa sa mga stakeholders ug Kagayanons.

Kini ang gipamulong ni Mayor Oscar Moreno human gipangulohan bag-ohay lang ang ‘Symphony of Lights’ sa Ysalina bridge, usa ka inisyatiba sa Task Force ‘Hapsay Kable’ sa City Hall ug gisalmotan sa nagkadaiyang telecommunication companies nga nakabasi sa syudad.

Sa iyang mensahe, gipamatuod ni Mayor Moreno nga ang pagpasiga sa Ysalina Bridge maoy buhing kamatuoran nga mahimo diay kung anaa ang kolaborasyon ug teamwork tali sa kagamhanan ning syudad, barangay leaders ug pribadong sektor.

‘Basta magtinabangay kita walay butang nga di nato makaya,” pahayag sa mayor.

Sa iyang kabahin, gipasabot ni Kagawad Jay Roa Pascual, ang chairman sa Tourism Committee, nga ang kalihukan kabahin sa pagpaanindot sa tibook syudad pinaagi sa pag-promote sa mga landmarks ug heritage sites sa Cagayan de Oro.

Samtang mapasalamaton si Pacencio Ferdinand Serina Valencia, usa sa mga apo ni kanhi Misamis Oriental Governor Pacencio Ysalina, tungod sa gibuhat nga pagpaanindot sa tulay agi’g paghinumdum sa kanhi Gobernador ug ilang pamilya.ysalina_2.jpgysalina.jpgysalina_1.jpg

Recent News