CDO-Banner

Mga karneng baboy, processed meat products nakonpiska sa Anti-ASF Task Force

User Rating: 0 / 5

Star inactiveStar inactiveStar inactiveStar inactiveStar inactive
 

By Archie Pagayaman / photo by Roel Felicitas / Anti-ASF TF

MOKABAT sa P10,000 mil ngadto P15,000 mil pesos nga balor sa 'hot meat' nga karneng baboy ug 'processed meat' ang nakonpiska kagahapon, Pebrero 17 sa Anti- African Swine Fever Task Force kon Anti-ASF TF pinangulohan ni City Veterinarian Dr Lucien Anthony Acac human pakyas makapakita og hustong dokumento ang Citra Mina Seafood and Market Incorporated sa Kauswagan Highway, ning syudad.

Maoy nanguna sa pagsakmit sa mga produkto si Dr Darryl Rasay, Senior Meat Control Officer ug Mr Virgilio Tablando Jr, Meat Inspector III sa City Veterinary Office.

Sumala pa ni Dr Rasay nakalapas ang CMSMI sa RA 9296 kon Meat Inspection Code of the Philippines human wala makapakita sa Meat Inspection Certificate (MIC) gumikan anaa matod pa kini sa 'mother company' sa General Santos City nga Citra Mina Canning Corporation.

Ubos sa balaod, kinahanglang adunay MIC ang usa ka patigayon kung asa naka- display ang 'meat products'.

Ang nakonpiska naglakip na sa pork ginisa cut, pito ka kilo; minudo cut, pito ka kilo; adobo cut, pito ka kilo; sinigang cut, 18 ka kilo; embotido, 56 packs; longganisa, 67 packs; ug Tocino, 63 packs.

Gilayong gisunog ang nakonpiskang mga 'meat products' sa Barangay Balubal subay sa protocol.

Dugang pa ni Dr Rasay nga ang ilang gihimo nunot na usab sa mandato sa buhatan ug kabahin usab kini sa 'preventive measures' nga gipatuman sa kagamhanan ning syudad ubos sa kamandoan ni Mayor Oscar S. Moreno sa tuyo nga magpabiling ‘ASF-free’ ang Cagayan de Oro.asf.jpgasf_1.jpgasf_2.jpg

Recent News