CDO-Banner

Mga pamilyang apektado sa road clearing sa Rivera St boluntaryong miguba sa ilang balay

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

BOLUNTARYO na nga miguba sa ilang mga balay ang mga residenti nga apektado sa road clearing diha sa Rivera Street, Barangay 30 ug Brgy 27, ug wala na nagpaabot sa Composite Team ning syudad.

Nasayran nga dugay na gi-profile sa mga personahi sa City Housing & Urban Development Department (CHUDD) ang mga pamilya nga naigo sa clearing operation apan adunay uban kanila nga dili kuwalipikado sa housing program sa syudad human nasayran nga aduna silay laing balay.

“Gagmay pa na sa una ilang gihimo kay butangan lang sa ilang mga tinda pero sa kadugayan nahimo na nga balay,” matud ni Barangay 30 Punong Barangay Maria Jasmine B. Zaballero.

Dugay na nahibalo ang mga residenti nga apektado sila sa clearing operation human sila gihatagan og notice of violation sa Office of the Building Official niadtong bulan sa Oktubre 2019 tungod kay naka-encroached man sila sa road right-of-way.

Sa kasamtangan, makita ang presensya sa clearing team sa maong dapit tungod kay adunay pipila ka mga residenti nga nagdumili pa pagguba sa ilang balay bisan pa man sa pahimangno ug hangyo sa Composite Team.road_clearing_2.jpgroad_clearing.jpgroad_clearing_1.jpg

Recent News