CDO-Banner

Pagdevelop sa Bolonsori Public Cemetery, masugdan na

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Roel Felicitas

LAUMANG masugdan na ang re-development sa Bolonsori Public Cemetery sa dili pa ang Nobyembre 1 karong tuiga human gipresentar sa City Memorial Park Board ang plano alang sa maong sementeryo kang Mayor Oscar Moreno adlawn’ng Martes, Pebrero 18 ning tuig.

Gipasabot ni Engr Almarco Brito, chairman sa board, nga ang re-development himuon ‘phase by phase’ diin sugdan kini sa perimeter wall ug 5-storey tomb nga maoy plastaran sa nalubong na sa Phase 1 ug Phase 2.

Dugang pa ni Engr Brito lakip usab sa plano ang pagbutang og viewing chapel o lugar nga pwedeng ipahigayon ang paghaya sa patay’ng lawas sa dili pa kini ilubong.

Apan bisan pa man sa mga planong re-development sa administrasyon ni Mayor Moreno, gimando niini nga iplastar usab ang mga tawo nga nanimuyo ug nanginabuhi palibot sa Bolonsori cemetery.

Matud ni Mayor Moreno dili sayon ang maong laraw apan malaumon kining makab-ot ang tinguha sa syudad nga mahapsay ang sementeryo.

Gipasalig usab ni Kagawad Edgar Cabanlas, vice chairman sa board, nga tun-an ang pagpasar og ordinansa nga mag-protehir sa memorial park sa umaabot nga mga katuigan.

Kahinumdoman nga tulo ka public consultations ang gipahigayon sa memorial board alang sa maong katuyoan sa wala pa kini mihimo og final recommendation sa ilang plano ngadto sa mayor. 3_re.jpg4_re.jpg1_re.jpg5_re.jpg2_re.jpg

Recent News