CDO-Banner

CdeO pasado sa “2019 Good Financial Housekeeping”

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen 

PINAAGI sa hugot nga paningkamot ni Mayor Oscar S. Moreno inubanan sa 19th City Council nga gipangulohan ni Vice Mayor Raineir Joaquin Uy, nalakip ang dakbayan sa Cagayan de Oro sa listahan sa mga pasado sa “2019 Good Financial Housekeeping” nga gi-isyu sa Department of the Interior and Local Government.

Ang Bureau of Local Government Supervision sa DILG ang mi-isyu sa maong listahan diin ubay-ubay usab ka mga probinsya, syudad ug munisipalidad sa tibuok nasud ang mipasar sa maong assessment.

Pipila sa mga kwalipikasyon sa mga LGU aron maapil sa maong listahan mao ang ‘Unqualified or Qualified Commission on Audit Opinion’ sa milabay nga tuig, pagtuman sa ‘Full Disclosure Policy’ pinaagi sa pag-post sa mga kopya sa lokal nga ‘budget’ ug ‘finances’ ug uban pang magpamatuod sa ‘transparency’ sa kasamtangang administrasyon ug pagbutang usab sa mga kopya niini sa ‘Full Disclosure Policy Portal’ sulod sa milabay nga duha sa quarters.

Ang pagpasar sa dakbayan sa maong assessment nagpasabot nga ang kagamhanang lokal migasto sa pundo sa publiko samtang gasubay sa ‘full transparency guidelines’ ug mituman sa ‘accounting and auditing standards, rules and regulations’.

Sa 98 ka mga LGUs sa Rehiyon 10 nga na-evaluate’ sa BLGS, 94 ang mipasar kon 96% nga gilangkoban sa 5 ka probinsya, 9 ka syudad ug 80 ka munisipalidad ug kini misaka gikan 76% sa milabay nga tuig.

Mipasar usab ang mga kasikbit nga lugar sa Cagayan de Oro sama sa El Salvador City, Gingoog City, Iligan City, Malaybalay City, Oroquieta City, Ozamiz City, Tangub City ug Valencia City.

Recent News