CDO-Banner

Oro Hapsay Sapa Challenge gihan-ay na

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Roel Felicitas

SA tinguha nga maprotektahan ang water quality sa creeks, kasubaan ug kadagatan, gihan-ay na sa City Local Environment and Natural Resources Office (CLENRO) ug Hapsay Sapa sa pagpangulo ni Engr Armen Cuenca ug Mr Patrick Gabutina ang pagpahigayon og “Oro Hapsay Sapa Challenge” ning syudad.

Ang maong indigay langkoban sa pito (7) ka mga creeks sa nagkalain-laing barangay diin nag-unang tumong niini nga mabalik ang water quality sa mga sapa.

Lakip usab sa lantawon sa maong indigay ang pag-implemetar sa “Outstanding Creek Management” diin makita ang community empowerment, water and sanitation maintenance, beautification, climate change adaptation ug disaster risk management.

Kini nga mga creeks mao ang Sapong Creek nga nahimutang sa Brgy Patag, Kauswagan ug Bulua; Bitan-ag Creek sa Brgy Indahag, Camaman-an, 36, 35, 26, 22, Lapasan ug Puntod; Binuno-an Creek sa Brgy Carmen; Kolambog Creek sa Camaman-an ug Lapasan; Camacawan Creek sa Brgy Gusa; Tin-ao Creek sa Puerto; ug Calacanan Creek sa Brgy Bugo diin tanan mopadulong sa Macajalar Bay ug Cagayan de Oro River Basin.

Atol sa unang panagtigom, gipasabot ni Engr Cuenca nga ang challenge dili lamang sa mga creeks kondili sa mga barangay diin nahimutang ug nagkutay kini.

Lakip sa mitambong sa panagtigom ang Department of Environment and Natural Resources (DENR), Department of Social Welfare and Development (DSWD), Department of Tourism (DOT), Environmental Management Bureau (EMB), CLENRO ug Hapsay Sapa.

Dugang ni Cuenca laraw sa team nga ilusad ang maong indigay karong Marso atol sa kasaulogan sa ‘World Water Day’. hapsay_sapa_1_re.jpghapsay_sapa.jpg

Recent News