CDO-Banner

LGU, DepEd mopahigayon og “Search for Best Teen Center”

User Rating: 0 / 5

Star inactiveStar inactiveStar inactiveStar inactiveStar inactive
 

By Archie G. Pagayaman / photo by Nichol Salido/DepEd

IPAHIGAYON sa Department of Education ug kagamhanan ning syudad pinaagi sa Community Improvement Division ang pinakaunang 'Search for Best Operational School-Based Teen Center' sa Cagayan de Oro nga salmotan sa mga pampublikong tunghaan sa sekondarya.

Laraw sa search nga mapasidunggan ang mga tunghaan nga makapabarog og 'teen center' diin mapahimuslan sa mga tinun-an ang pag-edukar kalabot sa adolescent reproductive health, mental health, substance abuse, bullying ug uban pa.

Nakaangkla usab kini sa katuyoan sa Population Commission, DepEd ug CID nga mapalapdan ug mapakusgon ang integrasyon sa Population & Development Club kon PopDev Club.

Alayon niini, gipahigayon sa miaging adlaw ang evaluation sa mga tunghaan nga magtigi sa nasangpit nga titulo sama sa Bayabas, Kauswagan, Dansolihon, Mambuaya, Bayanga, Bulua, Balulang, Consolacion ug Cagayan de Oro National High School.

Milingkod isip panel of evaluators si Ms. Edselyn Salido, ARH Focal Person sa DepEd uban ni Mr. Nichol Salido, NDEP Focal Person; Ms. Fe Tan, ARH Team ug Ms. Jeane Joson, Mental Health Focal Person sa DepEd.

Samtang anaa usab si Ms. Ma. Lina Maagad, Population Program Officer sa CID; Mr. Lord Saver Centina, Oro Youth Development Officer (OYDO); Ms. Lowella Mae Bato ug Mr. Michael Abrogar.

"Ang pag-establish sa mga teen centers sa matag eskwelahan dako gayud og matabang sa mga kabatan-onan karon especially nga ang report sa teenage pregnancy nagkataas sa syudad sa Cagayan de Oro", pasabot ni Ms. Salido.

Gipasalamatan usab ni Salido si Mayor Oscar Moreno, Ms. Cherry Mae L. Limbaco, Schools Division Superintendent ug mga tunghaan sa ilang hugot nga suporta sa programa.

Ang 'Search for Best Operational School-Based Teen Center' usa lang sa mga highlights sa 'PopDev Club Festival of Talents' karong umaabot bulan sa Marso ning tuig.teen_center_2.jpgteen_center.jpgteen_center_1.jpg

Recent News