CDO-Banner

PESO gibansay ang mga out-of-school youth kalabot sa pre-employment

User Rating: 0 / 5

Star inactiveStar inactiveStar inactiveStar inactiveStar inactive
 

Text by Nica Borja/ Photos by Aicy Soriano 

MALAMPUSONG gibansay ang kapin 40 ka mga out-of-school youth kalabot sa pre-employment, Pebrero 18, diha sa VIP Hotel ning syudad.

Atol sa pagbansay, gipasabot ni Job Placement Bureau-Public Employment Service Office (JPB-PESO) Administrative Officer V Maria Carlota Cabading ang mga life skills nga gikinahanglan sa labor workforce gikan sa pagsugod sa pagpanarbaho, pag-respeto sa isig katao, personal branding, good work ethics, lakip ang epektibo nga pag-dumala sa mga reklamo sa mga customers.

Subay niini, mipailawom ang mga OSYs sa usa ka workshop kalabot sa job application diin gisaysay ni Cabading ang mga lakang sa money management ug pagbuhat sa resume.

Sa laing bahin, gipadayag ni JPB-PESO staff Cheryl C. Moncay ang National Skills Registry Program (NSRP) alang sa mga OSYs lakip ang insaktong pag-fill out sa porma niini.

Gipaila-ila usab ni YouthWorks PH Coordinator Verna Emy Z. Pilagre ug JPB-PESO JOBSTART representative Rolly M. Bacud ang ilang mga programa.

Natapos ang kalihukan pinaagi sa usa ka mock interview. Ang pagbansay gipahigayon sa unang higayon ubos sa inisyatiba sa Pag-asa Youth Association of the Philippines-Cagayan de Oro kon PYAP-CDO ubos ni PYAP Focal Person Gerryca Isabelle ‘Yca’ T. Maagad uban sa YouthWorks PH ug JPB-PESO sa tuyo nga matabangan ang mga OSYs sa natad sa pagpanarbaho ug pagkab-ot sa ilang mga damgo.osy_2.jpgosy.jpgosy_1.jpg

Recent News