CDO-Banner

Implementasyon sa UHC gitutokan sa syudad

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Jay Arancon

HUMAN napili ang Cagayan de Oro isip usa sa 34 ka integration sites sa Universal Health Care Law, gitutokan sa kagamhanang lokal ubos sa administrasyon ni Mayor Oscar Moreno ang pagpasabot ug pagplastar sa maong balaodnon sa katawhan ning syudad.

Sa pinakaulahing panagtigom sa core group uban ni Kagawad Maria Lourdes Gaane ug Dr William Bernardo sa City Health Insurance System, gihan-ay na sa grupo ang mga kalihukan kalabot na sa pagpasabot sa UHC ug ang mga serbisyo niini alang sa katawhan.

Kahinumdoman nga ang UHC may kalambigitan sa kasamtangang Philhealth benefits nga natagamtaman sa mga Pilipino.

Subay niini, gitutokan usab sa core group ang pagpalambo sa serbisyo sa mga Primary Care Providers (PCP) o mga health centers nga maoy pinakaunang dangpanan sa katawhan nga nanginahanglan og serbisyong-panglawas.

Lakip sa misalmot sa core group meeting ang mga representante sa Department of Health, Mr. Marlon Nino Arrabaca sa Philhealth Regional Office 10, Dr. Rachel Dilla sa City Health Office ug Ms. Maricel Rivera sa City Information Office.

Una nang gidayeg ni Secretary Francisco Duque III ang pamunoan ni Mayor Moreno ilabina sa kalampusan niini sa implementasyon sa Philhealth ug pagpalambo sa health care system sa syudad.uhc.jpguhc_1.jpg

Recent News