CDO-Banner

600 kls nga karneng baboy nasakmit sa Anti-ASF Task Force, kapulisan

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Jay Arancon

KAPIN 600 kilos sa karneng baboy nga balor sa dul-an P300 mil peso ang nasakmit sa Anti-African Swine Fever Task Force ug kapulisan sa Puerto Police Station 6 diha sa checkpoint sa Upper Puerto kagahapon, Pebrero 20.

Usa ka meat van ang gikargahan sa mga karne uban sa marinated nga isdang bangus diin matud pa sa drayber ug pahinante sa usa ka kompanya gikan sa Davao City ang mga kargamento.

Si Yul July Mandawe sa City Veterinary Office nga sakop usab sa Anti-ASF Task Force namahayag nga marinated nga isdang bangus lamang ang gideklarar sa drayber apan dihang iyang gisusi ang luyo sa mga styrofoam cooler nga gisudlan sa marinated nga bangus iyang nadiskubrehan nga adunay mga karneng baboy nga gisulod gihapon sa Styrofoam cooler.

Gi-hold sa mga otoridad ang meat van ug gitawagan usab ni Mandawe ang buhatan sa National Veterinary Quarantine Service (NVQS), Meat Division sa City Veterinary Office ingon man ang National Meat Inspection Services (NMIS).

Nasuta nga walay shipping permit ingon man NMIS Certificate pagmatuod nga niagi sa NMIS ang mga karne ug luwas kin inga kanoon sa mga tawo.

Gumikan niini, gi-confiscate ug gisunog sa Anti-ASF Task Force ang mga karne didto sa bakanteng luna sa Brgy. Balubal nga gipanag-iya sa syudad nga gisaksihan sa mga pahinante sa kompanya nga nanag-iya sa mga produkto.

Mas gipahugtan pa karon sa syudad pinaagi sa Anti-ASF Task Force ang pagbantay sa mga borders human naapektuhan sa ASF ang Davao Occidental ug ubang lugar sa maong dapit pinaagi sa pagbutang og pito ka mga Animal Quarantine Chekpoints sa nagkadaiyang mga borders aron masiguro nga dili makasulod sa Cagayan de Oro ang ASF.87174004_509996349948763_5977026877393469440_n.jpgasf.jpg86975742_802475473606222_2063986481583620096_n.jpg86986397_692816897919608_3652264249478086656_n.jpg87029093_131696544810669_7238757074887245824_n.jpg

Recent News