CDO-Banner

Mga lakang nga gihimo sa syudad vs COVID-19, gidayeg sa DOH-10

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes

GIDAYEG sa Department of Health Region 10 ang mga lakang nga gihimo sa kagamhanan ning syudad aron mapugngan nga dili makasulod ang Coronavirus Disease kon COVID-19 dinhi sa Cagayan de Oro City.

Sigun pa ni Dr. Ian Gonzales, hepe sa Infectious Disease Cluster sa Department of Health 10 nga dalaygon kaayo ang gibuhat sa syudad aron di mokuyanap dinhi sa syudad ang COVID-19.

“The City Government’s response towards preventing the spread of COVID-19 here in the city is enough and very commendable because necessary preventive measures are in place, unlike other local government units (LGUs),” sumala pa ni Dr. Gonzales atol sa tigom sa City Development Council (CDC) Executive Committee sa miaging adlaw nga gidumala ni Mayor Oscar Moreno.

Kahinumduman nga gimugna gilayon ni Mayor Moreno ang COVID-19 Task Force human nakasulod sa Pilipinas ang COVID-19 aron paghimo’g mga lakang ug protocol kon ugaling makasulod ang COVID-19 sa syudad nga gitawag sa DOH-10 nga ‘emerging infectious disease’.

Dugtong pa niini gi-activate usab ni Mayor Moreno ang Barangay Health Emergency Response Team (BHERT) sa 80 ka barangay sa Cagayan de Oro alang sa surveillance ug monitoring sa maong viral disease, gawas pa sa masubsob nga information and education (IEC) campaign.

Sa pagkakaron, usa lang ka kaso sa Person Under Investigation kon PUI ang natala sa Department of Health sa tibook rehiyon sa Amihanang Mindanao.

Recent News