CDO-Banner

PN Roa Nat’l High School magamit na karong Hunyo

User Rating: 1 / 5

Star activeStar inactiveStar inactiveStar inactiveStar inactive
 

By Abigail Malalis / photo by Jomar Figuracion

WALAY hunong nga paghatag og serbisyo ang gitutokan sa Moreno administration ilabina sa natad sa edukasyon human gipahibalo ni City Engineer Rolando Pacuribot ang pagtibawas sa gitukod nga 45-classroom, 4-storey building sa PN Roa National High School sa Sitio Calaanan, Brgy Canitoan ning syudad.

Sa pinakaulahing panagtigom sa Local School Board nga gipangulohan ni Mayor Oscar Moreno, gibutyag ni Pacuribot, hepe sa City Engineering Office, nga laumang magamit na ang maong tunghaan karong Hunyo atol sa pagbukas sa school year 2020-2021.

Ang maong tunghaan, nga gidesinyo alang usab sa kasayon sa mga Persons’ with Disabilities (PWDs), gitukod sa bag-o nga campus site nga gipalit sa kagamhanang lokal agi’g tubag niini sa paghatag og disente ug hamugaway nga pagtuon sa kabataan ug masulbad ang kanhi emergency classes nga nasinati dili lamang sa mga estudyante apan lakip mga magtutudlo.

Kahinumdoman nga ang Sitio Calaanan usa sa mga pinakadako nga relocation site sa syudad ug daghan nga mga relocatees karon ang anaa na nagtungha sa maong dapit. pn_roa_1_re.jpgpn_roa_re.jpg

Recent News