CDO-Banner

Mga Bakol sa Syudad Nakadawat og Personal Energy Transport

energy

DISE-OTSO (18) ka mga bakol ug adunay gibati nga polio ang nakadawat sa personal energy transport nga gitunol sa Universal Heart Foundation sa United States of America.

Mao kini ang labing unang higayon sa pulo sa Mindanao nga makadawat og assisted devices alang sa mga bakol ug adunay sakit nga polio.

Gawas usab niini naka-dawat sa tag-P2 mil ka pesos gikan sa kagamhanang lokal ubos sa administrasyon ni City Mayor Oscar Moreno ang matag bakol nga maoy gamiton isip puhunan sa ilang negosyo sama sa pagpamaligya ug uban pa, gamit ang personal energy transport nga makuhaan sa ilang panginabuhian.

Kini gipaningkamotan sa City Social Welfare and Development Office sa pagpanguna ni CSWD Officer Teddy Sabuga-a, sanglit usa ang pagtunol sa panginabuhian niadtong labaw’ng nanginahanglan ang gisuportahan sa gobyerno-lokal, ilabina kadtong adunay kabilinggan sa panglawas aron sa ingon makagahum gihapon sila sa pagpangitag og panginabuhian sa hustong pamaagi.


Source : Facebook - Cagayande de Oro City Info Network