CDO-Banner

JR Borja Hospital, Staff Gidayeg sa Australian Surgeons

GIDAYEG sa mga Australian surgeons ang kahapsay sa JR Borja General Hospital (JRBGH) lakip kamaabi-abihon sa mga nurses ug staff niini sa nagpadayong operasyon sa cleft lip ug palate sa mga kabataan nga swerteng nakabenepisyo sa libreng operasyon sukad niadtong Agosto 10 ning tuiga.

Matud ni Dr.Michael McGlynn,kinsa maoy nangulo sa Interplast surgeons, nindot ug hamugaway ang JRBGH o City Hospital ug malipayon silang naghatag sa ilang serbisyo ilabina gayud nga maabi-abihon ug matinabangon usab ang mga nurses ug mga staff niini.

‘The hospital is fantastic while the service is excellent.The staff are very hospitable,’’ butyag ni Dr.McGlynn.

Dugang sa doctor malipayon silang mobalik ug magpahigayon og laing mga medical missions sa syudad kinsa nagsugod pa sa ilang mission sa tuig 1983 sanagkalain-laing nasud sa kalibutan.

Tungod niini,dako usab ang kalipay ug pasalamat ni Mayor Oscar Moreno sanglit unang higayon pa kini nga adunay natigayong operasyon sa mga ‘’bungi’’ sa City Hospital .

Matud ni Mayor Moreno dako ang iyang pasalamat sa pagsalig nga gihatag sa Australian surgeons sa City Hospital ug pagpili niini nga maoy venue sa operasyon nasayran nga mobalor og P100 thousand ang kantidad sa operasyon nga libre’ng nadawat sa mga benepisyaryo.

Gipasalamatan usab sa Mayor ang mga personahe sa City Hospital pinangulohan ni Dr. Ramon Nery,ang executive officer;ang Chief of Hospital nga si Dr.Evelyn Perez ug uban pa.

Dili momenus 60 ka mga kabataan gikan sa Bukidnon,misamis oriental,Misamis Occidental,Zamboanga Sibugay ug kasilinganang dapit sa Cagayan de Oro ang nakadawat sa libreng operasyon nga mulongtad hangtud Agosto 22 ning tuiga.

Lakip sa mga Australian surgeons mao sila si Dr.John Joseph McGuiness Dr.Kevin Ho, Dr.John McCarty,Sr.Parel Birrel, Sr.Diedre McGlynn ug Sr.Sarah Berrell.


Source : CIO CDO News Bulletin : Abigail C. Malalis