CDO-Banner

Strategic planning aron masumpo ang pagkaylap sa dengue gihimo

SA TINGUHA nga mapugngan ang pagkaylap sa gikahadlokang sakit nga dengue dinhi sa dakbayan sa Cagayan de Oro,usa ka strategic planning ang giumol sa mga kadagkuan sa City Hall aron magiyahan ang mga lideres sa kabarangayan paghimo og tukmang mga lakang ug aksyon batok sa dengue.

Kini ang nauyonan atol sa tigom kagahapong adlawa nga gidumala ni Assistant City Administrator Dionne Gersana ug gitambongan nila ni City Health Officer Dra. Fe Bongcas, City Social Welfare and Development Officer Teddy Sabuga-a, City Information Officer Maricel Rivera, apil mga reprisetante gikan sa Department of Health, City Hospital,Rotary Club ug Red Cross.

Ang maong strategic planning gipahigayon niadtong huwebes sa hapon,Septiyembre 4,2014 diha sa Silver Court Hotel and Restaurant ning dakbayan.

Ang planning-Workshop gisalmotan sa mga kapitanes ug opisyales sa dili momenus napulo (10) ka barangay ning syudad, diin natala ang taas nga kaso sa dengue.
Matud ni Dra.Bongcas nga mahinongdanon kayo nga mahibalo-an ug masayran sa mga opisyales sa barangay ang anga’y ng pagabuhaton aron mapakgang ang pagkaylap sa dengue sa ilang tagsa-tagsa ka dapit.

Usa sa pinaka epektibong paagi aron dili mataptan sa dengue mao ang pagpanglimpyo sa palibot pinaagi sa pagpangita ug paghinlo sa posibleng itloganan sa lamok nga nagdala sa sakit nga dengue, pasabot sa City Health Officer.


Source : CIO CDO New Bulletin : Ian Fuentes