CDO-Banner

Tabang medico ug inmates concert gipahigayon sa Lumbia City Jail

DAKO ang kalipay nga gibate sa liboan ka mga inmates sa Lumbia City Jail sa gipahigayo’ng Tabang Medico nga gipasiugdan sa kagamhanan ning siyudad niadtong adlawang Martes Septiyembre 2.

Kini ang unang higayon nga ang kagamhanan sa siyudad ubos sa administrasyon ni Mayor Oscar Moreno nagpahigayon niini nga kalihokan sulod sa city jail matud ni Jail Warden Supt. Erwin Kenny Ronquillo.

Hinuon adunay mga kalingawan nga gihimo sulod sa city jail apan dili ang kagamhanan sa siyudad ang nag pasiugda.

Gipasabot ni Patrick Gabutina nga gusto ni Mayor Moreno nga ipaabot sa mga inmates sa city jail ang mga serbisyo sa siyudad aron ilang mabati nga wala sila pasagdi sa kagamhanan.

Pipila sa mga serbisyo medico nga gidala mao ang eye care,ibot sa ngipon,masahe,check-up ingonman paghatagog tambal ug daghan pa.

Ang maong kalihokan giabagan sa mga kasundalohan sa 4th Infantry Division,City Social Welfare and Development (CSWD), band nga mihatag og lingaw sa mga inmates.ug uban pang nagpakabanang ahensiya.

Mihatag usab sa iyang pakigpulong si Kagawad Candy Darimbang .

Atol sa mubong programa nagpakita sa ilang abilidad sa pagsayaw ug pag-awit ang mga inmates nga mga lalaki ug babaye nga nakapadugang sa kasadya sa maong kalihokan.


Sourece : CIO CDO New Bulletin : Annabelle L. Ricalde