CDO-Banner

JR Borja road extension gisugdan na pagtrabaho

GILAUMANG masulbad na ang dugay nang nasinating perwisyo sa katawhan gumikan sa guba nga dalan sa JR Borja Extension ning syudad human gisugdan na sa lokal nga kagamhanan ning syudad ang pagtrabaho sa proyekto.

Kini sa tinguha nga mahatagan og kasayon ang katawhan nga nanimuyo ug gaagi sa maong dalan.

Matud ni Engr. Roland Pacuribot, city engineer, nga mokabat sa P2.9 milyones ang pundo nga gitagana sa syudad ubos sa administrasyon ni Mayor Oscar Moreno alang sa maong proyekto ug gilaumang matibawas kini sulod sa 70 ka adlaw gikan sa pagtrabaho niini.

Ang maong proyekto usa lamang sa daghan pang kadalanan nga gitutokan karon ni Mayor Moreno lakip ang mga kadalanan sa kabukiran nga gitinguhang ma-implementar sa dili madugay.


Source : Cagayan de Oro City Info Network