CDO-Banner

Bag-ong Balulang National High School buksan na

MAKAANGKON na gayud ang Balulang National High School og kaugalingong tunghaan human gikatakdang itunol ni Mayor Oscar Moreno ang bag-ong 2-storey, 16-classroom building karong Septiyembre 18, 2014.

Matud ni Ma. Dulce Potenciano, focal person on education ug executive director sa Local School Board (LSB) ning syudad, nga buksan na ang maong tunghaan sa bag-o niini nga school site aron sa ingon mahatagan og kaugalingong campus ang 661 ka mga estudyante sa Balulang National High School ug dili na kini matawag nga annex high school lamang.

Dugang ni Potenciano, tumong sa administrasyon ni Mayor Moreno nga masulbad ug makaangkon na gayud og kaugalingong tunghaan ang mga high school annexes ning syudad nga sa dugay’ng panahon wala mahatagi og pagtagad.

Ang 16-classroom building sa Balulang National High School gipundohan ubos sa Special Education Fund (SEF) ug aprobado sa mga sakop sa 15-man team sa Local School Board.

Ang 16-classroom building sa Balulang National High School gipundohan ubos sa Special Education Fund (SEF) ug aprobado sa mga sakop sa 15-man team sa Local School Board.

Kahinumdoman nga una nang gitunol ni Mayor Moreno ang bag-ong Man-ai High School sa Sitio Man-ai sakop sa Brgy Tignapoloan ning syudad ug Tumpagon National High School bag-ohay lamang.


Source : Facebook - Cagayan de Oro City Info Network