CDO-Banner

CDO nahimong grand winner sa 'Livable Cities Design Challenge'

Dugang dungog ug garbo and naangkon kason sa dakbayan sa Cagayan de Oro human nahimong grand winner sa "Livable Cites Design Challenge" nga gipasiugdan sa National Competitiveness Council ug United States Agency for International Dev't (USAID).

Ang pasidungog pormal nga gidawat sa delegasyon sa Cagayan de Oro nga gipangulohan ni Mayor Oscar Moreno atol sa final conference and awarding ceremony didto sa kaulohan, adlaw Miyerkules Octubre 15, 2014.

Gilupig sa Cagayan de Oro ang 16 ka syudad sa tibuok nasud nga mosalmot sa maong 'livable cites design challenge' nga nagsentro kalabot sa paghimo og mga pinasahing desinyo sa gambalay diin gikonsidera ang konsepto sa disaster risk reduction and management.

Subay niini nga kalambuan, gipasalamatan ni Mayor Moreno and tabang ug pag-abag sa mga arkitekto gikan sa Mindanao University of Science and Technology,United Architects of the Philippines, pribadong sector ug ang local government team pinangulohan ni Ms. Eileen San Juan, ang Local Investment Promotions Officer sa City Hall.

Ang entry sa Cagayan de Oro Giulohan og 'Oro Central' usa ka modernong inobasyon ug disenyo diin gipasundayag ang pagdevelop sa City Central School isip nagunang pampublikong tunghaan sa elementarya sa dakbayan apan mamahimong evacuation center panahon sa kalamidado katalagman.

Usa ka panel nga gilangkoban sa mga international architects maoy nagduki-duki sa official entry sa syudad ug gisuta kon nakasubay ba kini sa international standard sa architectural designs.

 

Source : Cagayan de Oro News Bulletin