CDO-Banner

US TRIP DILI ‘JUNKET’, TIN-AW NI MAYOR MORENO

DILI paglulinghayaw o’ ‘junket’ kondili mahinungdanon ang biyahe ni City Mayor Oscar ‘Oca’ Moreno ug pipila ka mga opisyal sa dakbayan ngadto sa Tinipong Nasud sa Amerika sugod karong adlawa.

“Dili ako mahilig nianang junket. Importante kini nga biyahe para sa ato sa city government aron atong makita how successful US cities do things…if we want to be a top caliber city, ” pamahayag ni Mayor Moreno sa usa ka interview sa TV Patrol Northern Mindanao kaganihang buntag.

“This (trip) is a very good learning experience for everybody as this will also strengthen our relationship with Norfolk, World Bank and the United States Agency for International Development (USAID),” dugang pa sa mayor.

Tipik sa katuyoan sa delegasyon ang pagpalig-on sa sister city relationship tali sa Cagayan de Oro ug Norfolk City, Virginia, USA. Ang sisterhood sa duha ka syudad nabugkos niadto pang 2009 sa dihang si kanhi Mayor Constantino ‘Tinnex’ Jaraula pa ang namunoan sa dakbayan.

Makigkita usab ang delegasyon kang Philippine Ambassador to the United States nga si Ambassador Jose L. Cuisia Jr. ug sa mga kadagkoan sa World Bank, USAID ug hugpong sa US-based Kagayanons.

“Gusto pud sa USAID nga moadto kita tungod kay nalipay sila that Cagayan de Oro figured prominently as a pilot city sa Cities Development Initiatives Project. That’s why they are pushing us for more bigger projects and this (trip) is part of that acclimatization for our department heads,” pasabot ni Moreno.

Tungod sa maayong performance sa dakbayan pag-implementar sa CDI Project, napili ang Cagayan de Oro isip “2nd Most Competitive City” sa tibuok nasud karon ug nahimong grand winner sa “Liveable Cities Design Challenge” bag-ohay lamang.

Uban sa delegasyon sila si Kagawad Teodulfo Lao Jr., Zaldy Ocon, Enrico Salcedo, city agriculturist Dr. Hector San Juan, city local investment promotions officer Eileen San Juan, city engineer Rolando Pacuribot, city accountant Atty. Beda Joy Elot, city budget officer Atty. Percy Salazar, city social welfare and development officer Teodoro Sabuga-a, city disaster risk reduction and management officer Mario Verner Monsanto ug city information officer Ma. Cecilia Rivera.


Source : Facebook - Cagayan de Oro City Info Network