CDO-Banner

Grupo gikan Estados Unidos motunol og artificial legs

GIKALIPAY sa City Social Welfare and Development Office ang tanyag sa grupong “Moving Portraits Project” nga nakabase sa Estados Unidos nga buot motabang aron makaangkon sa libreng prosthetics legs kon artificial legs alang sa mga persons with disabilities kon PWD’s sa syudad.

Napulo ka slots ang gitagana sa pundok alang sa syudad sa Cagayan de Oro.

Gisaysay ni Mr. Bryan Alano, kinsa maoy project director sa grupo, nga naaghat sila pagtabang niadtong nanginahanglan sa libreng artificial legs tungod kay ilang nakita nga daghang PWD’s ang buot makalakaw pag-usab pinaagi sa prosthetics legs.

Bisitahan mismo sa grupo ang matag panimalay niadtong mapiling benepisyaryo sa proyekto.

Tungod niini, hugot nga gipasalamatan ni CSWD Officer Teddy Sabuga-a ang “Moving Portraits Project” sa kahigayunan nga gitunol sa mga Cagayanons nga makapahimulos sa ilang proyekto. Iyang gidugang nga matag tuig motunol og prosthetics legs ang grupo.


Source : Facebook - Cagayan de Oro City Info Network