CDO-Banner

CITY TREAS: DEADLINE SA BUSINESS PERMIT RENEWAL KUTOB LANG SA ENERO 31, 2015

GIAGHAT ni City Treasurer Dr. Glenn C. Bańez ang mga negosyante sa Cagayan de Oro nga magpa-renew sa ilang business permit sa dili pa ang gitakdang deadline sa extension sa renewal karong Enero 31, 2015.

Subay sa Section 167 sa Local Government Code, Enero 20 ang deadline sa annual renewal sa business permit, apan, gi-extend ni Dr. Banez tungod kay Enero 5 na gisugdan ang renewal gumikan sa holidays sa Disyembre.

Gipahimangnoan ni Dr. Bańez nga ang si bisan kinsang negosyante nga mapakyas pagbayad sa iyang business tax inig lapas sa deadline extension karong Enero 31 pahamtangan og 25% surcharge ug 2% penalty sugod Pebrero 1, 2015.

“We appeal to the local business community nga magbayad sila sa business taxes until January 31, 2015 because we will be imposing surcharges and penalties starting February 1, 2015,” hangyo sa City Treasurer.

Samtang, gitataw ni Dr. Bańez nga dili tumanon sa City Treasurer’s Office ang Ordinance No. 12904-2015 nga gipasar sa konseho niadtong Lunes, Enero 12, 2105 nga nag-extend sa deadline sa business permit renewal gikan Enero 20, 2015 ngadto na sa Marso 31, 2015, diin walay i-imposar nga surcharges ug penalties sulod sa maong panahona.

“We are reminding the business community that we will not follow this ordinance,” pasabot ni Dr. Bańez, sanglit wala siya’y nakit-an nga igong rason nga gitumbok sa konseho alayon sa pagpalabang sa maong ordinansa.

Sigun pa ni Dr. Bańez nga gipasar sa konseho ang maong ordinansa bisan pa man nga walay rekomendasyon gikan mismo sa iyang buhatan nga maoy sumbanan unta sa extension pinasikad sa Local Government Code.


Source : Facebook - Cagayan de Oro City Info Network