CDO-Banner

BAÑEZ: KAPIN 90% NAG-RENEW SA BUSINESS PERMIT

GIKALIPAY ni City Treasurer Dr. Glenn C. Bańez nga kapin 90 porsiyento sa gidaghanon sa mga negosyante sa dakbayan ang misanong sa pag-renew sa ilang business permit karong tuiga.

Human natapos ang business permit renewal niadtong Enero 31, 2015, mokabat sa 12,189 ka mga establisemento o’ balay-patigayon ang nagparehistro, sigun sa taho ni Dr. Bańez.

Tungod niini, kapin P434 milyones ang nakolekta sa dakbayan gikan sa business taxes and fees, mas taas og dise otso porsiyento (18%) o’ balor P65.7 milyones kon itandi sa P368.6 milyones sa susamang panahon sa miaging tuig 2014.

Nagpasalamat si Dr. Bańez sa hingpit nga suporta ug kooperasyon sa tanang mga negosyate sa dakbayan aron makab-ot ang taas nga koleksyon karong tuiga.

Sa talaan sa City Treasurer’s Office, kapin kon kulang 5,000 na lang ka mga negosyante ang wala pa nagpa-renew sa ilang lisenya ug business permit, kinsa kadaghanan kanila mga tag-iya sa estante kon stallholders sa kamerkadohan sa Cogon, Carmen, Puerto ug Westbound sa Bulua.


Source : Facebook - Cagayan de Oro City Info Network