CDO-Banner

Cagayan de Oro napiling TESDA 2014 Most Outstanding LGU

DUGANG garbo na usab ang naangkon sa kagamhanang lokal sa siyudad human gipasidunggan isip TESDA 2014 Most Outstanding LGU ubos sa City Category atol sa pagpakayab sa nasudnong bandila adlaw’ng Lunes, Pebrero 16, 2015.

Sa iyang mensahe, gipasidunggan ni TESDA provincial director Leo Velez si City Mayor Oscar Moreno sa iyang liderato ug paningkamot nga nakab-ot ang maong kalampusan.

“It is only the City Mayor who has formulated the so called integration, and harmonization of TESDEC programs of the entire City and making it relevant to the community towards employability in addressing poverty,” matud ni Velez.

Gisugilon ni Mayor Oscar Moreno nga bisan pa man giwagtangan og budget sa mayoriya sa konseho ang livelihood skills program sa Community Improvement Division (CID) padayon gihapon kini sa paghatod og serbisyo. 

“Bisan gi-zero ang budget we are still able to produce results, hopefully at the end of the year we’ll have new batch of graduates who are employable..” sigun pa sa Mayor.

Nasayran nga nag-una ang siyudad nga adunay pinakadaghan nga graduates sa tuig 2014 ubos sa pagpangulo ni CID Officer-in-charge Marisa Tagarda.

Ang TESDA Most Outstanding LGU (City Category) award usa ka tinuig nga pasidungog sa TESDA sa LGU nga maayo mo-implementar sa Community Skills Training Program sa TESDA.


Source : Facebook : Cagayan de Oro City Info Network