CDO-Banner

Suporta sa kabataan sa Boystown gisaad ni Mayor Moreno

EMOSYONAL nga gipaabot sa mga kabataan sa Boystown ang ilang pasalamat kang City Mayor Oscar Moreno tungod sa makanunayong suporta kanila.

Kini human nasinati sa kabataan nga sa unang higayon giplastar sila sa ilang pagpangempleyo human nakatapos og kurso.

Pipila sa mga kliyente gikan sa Boystown nga kasamtangang naplastar na mao sila Butch Ello ug Kimhar Wahab nga karon anaa na sa City Hall samtang sila Marvin Lacao ug Robin Bucio nagtrabaho na karon sa FICCO ug Ryan Pimentel sa BMEG. 

Tungod niini, gipasalamatan usab ni CSWD Officer Teddy Sabuga-a ang mga miabag ug misuporta sa mga kliyente aron makab-ot ang ilang pangandoy sa kinabuhi.

Gani man bukas kanunay ang CSWD niadtong buot musu porta pa sa pagpatungha sa kolehiyo niadtong mga kliyente sa Boystown nga nakahuman na sa high school.

Gibatbat sa mga benepisyaryo ang dakong pasalamat nga bisan pa man og kanhi sila street children sa dakbayan apan nahatagan sa kahigayunan pinaagi sa panabang sa administrasyon ni Mayor Moreno nga makalingkawas gikan sa pait nga kahimtang.


Source : Facebook - Cagayan de Oro City Info Network