CDO-Banner

CDO gideklara'ng Filariasis free sa DOH

GIPASIDUNGGAN sa Department of Health (DoH) ang local nga kagamhanan ning syudad pinangulohan ni Mayor Oscar Moreno sa pagkadeklara niining labing unang syudad sa tibuok nasud nga Filariasis-free adlaw’ng Huwebes, Hunyo 18 ning tuiga.

Ang maong pasidungog nakab-ot pinaagi sa hugot nga kampanya sa City Health Office (CHO) inabagan sa DOH ug sa local nga kagamhanan pinaagi usab sa kooperasyon sa lideres sa kabarangayan. 

Matud ni Dr. Rachel Dilla sa City Health nga bisan pa man sa kalisod nga ilang nasinati tungod sa walay kooperasyon sa pipila ka mga barangay, nakab-ot gihapon nila sa ilang paningkamot ang pagkakunhod sa prevalence rate sa sakit nga Filariasis sa less than 1 percent gikan sa 3.4 percent sa tuig 2012.

Dugang ni Dilla nga ang pagbaton usab sa taas nga kahibalo sa maong sakit ug kahinlo sa palibot nakatabang sa pagsumpo sa filariasis human sa random-testing sa nagkalain-laing barangay.

Nasayran nga 20 ka mga barangay sa syudad ang nakadawat usab og special recognition sa ilang hugtanong kooperasyon sa CHO.

Ang pasidungog gidawat mismo ni Mayor Moreno kauban si Dr. Fe Bongcas, City Health Officer, Dr. Ignacio Moreno ug mga kapitanes kauban ang mga barangay officials. (ACM)


Source : Facebook - Cagayan de Oro City Info Network