CDO-Banner

‘Pagsemento sa kadalanan maoy tubag sa kalamboan’- Moreno

SA TINGUHA nga mapadali ang paghatud sa mga abot sa uma diha sa kamerkadohan ug pagbiyahe sa mga residente sa sentro sa syudad, tulo ka proyektong pag-semento sa kadalanan sa barangay Tignapoloan nga balor og P17.2 milyones ang kusganong gi-atiman sa administrasyon ni Mayor Oscar ‘Oca’ Moreno.

Sa pinaka-ulahing taho ni City Engineer Rolando M. Pacuribot, ana-a na sa 23 porsiyento ang pagtrabaho sa Tignapoloan-Dansolihon concrete paving project nga mobalor og P5 milyones.

Kahinumduman nga una nang nahuman ang P1.2 milyones nga Tignapoloan farm-to-market road concreting project niadtong Disyembre 2014 nga gipundohan sa Dept. of Agriculture ug syudad.

Gilaumang madugangan pa sa dili madugay ang pag-semento sa kadalanan sa maong barangay human gisugyot ang pagpatuman sa balor P11 milyones nga Tignapoloan farm-to-market road concreting project nga kurambos gihapon sa DA ug syudad.

Hingpit nga gitutokan ni Mayor Moreno ang pag-semento sa kadalanan sa kabukiran aron makahatag og kaarangan sa katawhan, sanglit napasagdan kini sulod sa dugay’ng katuigan.