CDO-Banner

Mga programa sa IPs gipaluyohan ni Mayor Moreno

GIPASALIG ni City Mayor Oscar Moreno ngadto sa Indigenous Peoples Mandatory Representatives atol sa gipahigayong Re-orientation of Guidelines and Indigenous Peoples Representation niadtong Sept  28 nga suportahan sa iyang administrasyon ang mga programa alang sa kaayuhan sa mga lumad.

Atol sa paglingkod ni Mayor Moreno niadtong 2013, usa sa iyang gihatagan og pagtagad ang mga IPs aron dili mapihig sa mga serbisyong gitanyag sa kagamhanan.

Gani man, ang kalihukan sa mga sakop sa IPMR, nagtumong nga mahatagan sa igong kahibalo ang mga IPs nga malig-on ang panaghiusa tali sa mga kaubanan niini alang sa kalambuan sa ilang kumunidad.

Makakutlo usab og dugang kahibalo diha sa pagpadagan sa pagpanerbisyo atol sa himoong panagtigum ug uban pa.

Gipahibalo ni Ms. Nena Lumandong, focal person sa IP’s sa City Social Welfare and Development Office, nga adunay himoong Search for Most Outstanding Indigenous People ug uban pang pasidungog sunod bulan sa Oktubre alang niadtong  mga igsuong lumad nga nagpakita ug nag-abag nga nahimong malambuon ang ilang dapit.