CDO-Banner

Rabies info drive ipahigayon sa St. John Elem School sa Oktubre 6

SA tinguha nga ma-edukar ang mga kabataan kalabot sa rabies, mopailawom sa usa ka Information and Education Campaign ang mga tinun-an sa St. John Elementary School sa Brgy. Lapasan karong Martes, Oktubre 6, 2015.

Kini ubos sa pagpangulo ni City Veterinarian Perla Asis kauban ang mga magtutudlo ug prinsipal sa St. John Elementary School.

Dumduman nga ang rabies usa ka ‘acute encephalomyelitis’ kon inpeksyon sa utok ug parte sa spinal cord nga gidala sa rabies virus nga gitawag og ‘rhabdovirus’, ‘Hydrophobia’ ug ‘Lyssa’.

Base sa Dept. of Health, padayon nga nahimong public health concern ang rabies sukad pa niadtong tuig 2007. Ngani man, mokabat na sa 300 ngadto 600 ka mga Pinoy ang gakamatay tungod sa rabies kada tuig. (MAG)