CDO-Banner

5 ka award nasakmit sa PESO

NASAKMIT sa kagamhanang lokal sa syudad pinaagi sa Public Employment Services Office bag-ohay lang ang lima ka award atol sa ‘2015 PESO Year-End Performance Assessment (YEPA).

Naangkon sa PESO-10 ang Best in National Skills Registry Program Award (3rd Wave Implementer), Best in DOLE Integrated Livelihood Emergency Employment Program (DILEEP) Award, Best in Special Program for Employment of Students (SPES) Award (Highly Urbanized City Category), Best in Job Fair Implementer Award, ug  Best in Job Placement Award (Highly Urbanized City Category).

Tungod niini, tumang kalipay ang gibati ni PESO Manager Kathleen Kate Sorilla nga naangkon sa syudad ang mga award.

Sigun ni Sorilla nga kung dili tungod sa panaghiusa ug pagtambayayong sa mga kawani sa buhatan imposibleng makab-ot ang maong kalampusan.