CDO-Banner

6 ka bag-ong school sites napalit sa dakbayan

east gusa

 

6 ka bag-ong school sites napalit sa dakbayan

MOKABAT sa unom ka mga bag-ong school sites ang napalit sa lokal nga kagamhanan ning syudad alang sa mas masanag ug hapsay nga kaugmaon sa kabataan nga nagtungha sa pampublikong tunghaan pinaagi sa Special Education Fund (SEF) ug aprobado sa mga sakop sa Lokal School Board.

Kini naglakip sa Dansolihon National High School, Macasandig National High School, East Gusa National High School nga pulos mga annex high schools, Cagayan de Oro National High School, Bugo National High School ug Agusan National High School.

Ang maong mga school sites tipik lamang sa halos 20 ka mga school buildings, diin 441 na ka mga classrooms ang napatukod ni Mayor Oscar Moreno sulod lamang sa duha ka tuig nga panerbisyo ning syudad.

Ang SEF tipik sa Real Property Tax nga gibayaran sa katawhan ug gibalik kini sa mayor pinaagi sa mga proyekto’ng tunghaan ug uban pa.

Ang edukasyon usa sa mga nag-unang programa ni Mayor Moreno.