CDO-Banner

Biodiversity sa Iponan river

fish

 

Buhi nga biodiversity sa Iponan river

miresulta sa daghang matang sa isda

 

TUNGOD sa dakong kausaban ug kalamboan sa Iponan river, malipayon ang katawhan nga karon nakakita og panginabuhian pinaagi sa mga isda nga ilang nakuha nga nakatabang sa ilang pamilya human sa gipahigayong Tilapia dispersal sa local nga kagamhanan ning syudad.

Matud ni Edwin Dael, officer in charge sa City Local Environment and Natural Resources Office (Clenro), ang na-rehabilitate nga biodiversity sa Iponan river maoy nakahatag og kinabuhi sa nagkalain-laing isda nga makita ug makuha sa maong suba.

Dugang ni Dael dako ang iyang kalipay tungod kay nagpasabot lamang kini nga gikan sa dagat nga mga isda misaka na kini sa suba ug daka na og ikatabang sa mga nanimuyo daplin niini.

“At least this is one alternative livelihood to those engaging in illegal mining activities ug dako usab ikatabang ilabina sa nasinati nato nga El Nino diin apektado ang pipila ka mga pananom sa bukid,” butyag ni Dael.

Kahinumdoman nga una nang nagpahigayon og Tilapia dispersal ang City Agriculture Office inabagan sa Clenro, Task Force Kinaiyahan, Cooperative Development Authority (CDA) ug uban pa sa pagpangulo ni Mayor Oscar Moreno.