CDO-Banner

JRBGH mikita og P5.4M tungod sa Eyecare and Surgicare Program

MOBALOR sa P5.4 milyones ang nahimong kita sa JR Borja General Hospital tungod sa Eyecare and Surgicare Program sa syudad.

Ang kita naggikan sa bahin sa syudad gikan sa Philippine Health Insurance kon Philhealth nga maoy usa sa mga tinubdan sa pundo sa maong balay-tambalanan.

Tungod sa Eyecare and Surgicare Program, miabot na sa 682 ka mga pasyente nga naghambin sa sakit sa mata ug ubang balatian ang libreng na-operahan sa City Hospital gikan Enero 2014 hangtud Disyembre 2015.

Kung sa pribadong hospital magpa-opera sa cataract, mogasto ang pasyente og dili momenus P40 mil kada mata, apan kung adunay Philhealth ug operahan sa JRBGH, walay mabayran ang pasyente ug makabahin pa ang hospital agi’g share sa Philhealth.

Tungod niini, nakadugang sa kinitaan sa JRBGH ang programa gawas pa nga nakatabang kini niadtong walay ikagahum sa operasyon.