CDO-Banner

Socialization sa mga senior citizens gipahigayon

TALIWALA sa kapit-os sa pundo alang sa mga senior citizens sa syudad, nagmalampuson gihapon ang ‘Socialization’ kon lingaw-lingaw nga gipahigayon sa City Hall niadtong Enero 23.

Dul-an 500 ka mga lolo ug lola ang misalmot sa kalihukan.

Pinaagi sa Socialization, natuman ang pangandoy sa mga senior citizens nga makigtagbo, makigduyog ug makig-uban sa mga kaubang senior citizens.

Matud pa ni CSWD Officer Teddy Sabuga-a nga bisan pa man og limitado ang panudlanan sa syudad, natuman gihapon ang gipangandoy sa mga katigulangan.

Bout ni Mayor Oscar Moreno nga kanunay amumahon ang mga lolo ug lola tungod kay mao kini ang ilang kalipay sa ilang pangidaron.

Gilaraw nga himoon ang kalihukan kaduha ka higayon matag bulan. Kini gipasiugdahan sa Office of the Senior Citizens Affairs (OSCA) nga gipanguluhan ni Mr. Eugenio Atrigenio. (GOF)