CDO-Banner

Procurement system sa JRBGH miresulta sa pagkunhod sa mga tambal

 

 

TUNGOD sa dako’ng kalamboan ug pagdumala sa JR Borja General Hospital sa pagbaton og mga tambal ug uban pang panginahanglano’ng medical sa katawhan, gipahibalo sa pamunoan niini nga mas mikunhod ug mihapsay pa ang procurement system sa mga nag-unang tambal.

Gipahibalo ni Dr. Ramon Nery nga ang dako’ng pagkunhod sa presyo sa mga tambal nagsumikad sa sihag ug klaro’ng transaksyon nga miresulta usab sa dagha’ng matang sa tambal nga ikadapat sa mga pasyente.

Dugang ni Nery nga kung ang presyo kaniadto sa dextrose nagkantidad og P62.50 matag usa karon napalit na lamang nila kini sa P55.00 diin dako’ng kantidad ang mahimo’ng mapalit sa uban pang tambal.

Lakip sa mga nag-unang tambal ug panginahanglanon nga nakuha sa mas ubos nga kantidad mao ang Paracetamol, antibiotics ug daghan pa.

Tungod niini, mas daghan na nga mga pasyente ang nakadawat sa libre’ng tambal ug serbisyo sa City Hospital.