CDO-Banner

JRBGH mikita og P120.9 milyon sa 2015

jrbgh

 

TUNGOD sa kalamboan ug maayo’ng serbisyo sa JR Borja General Hospital (JRBGH) mikabat na ngadto sa P120.9 milyones ang annual revenue ug milapas pa kini sa target nga P100 milyones alang sa tuig 2015.

Sa taho ni Dr. Ramon Nery, chief executive officer sa JRBGH, doble ang pagsaka sa hospital income kompara sa tuig 2014 diin mikita kini og P65.4 milyon.

Dugang ni Nery ang pagsaka sa hospital income nagagikan sa Philhealth reimbursement ug nagpasabot lamang nga libre na ang serbisyo sa City Hospital ilabina sa mga Philhealth beneficiaries sa syudad bisan pa man sa mga kalisod nga nasinati sa lokal nga kagamhanan ubos sa administrasyon ni Mayor Oscar Moreno sa pag-implementar sa Philhealth program.

Ang maong kalamboan nag-aghat sa pamunoan sa JRBGH sa dugang pang serbisyo sama sa pagbaton og Intensive Care Unit (ICU) ug Dialysis center alang sa nanginahanglan.

Naglaum si Mayor Moreno nga makab-ot kini sa iyang pamunoan.