CDO-Banner

Badjao mass wedding himoon sa Peb. 13

DISE SAIS (16) ka paresan ang hiusahon pinaagi sa kaminyoon human himoon ang usa ka mass wedding alang sa mga Badjao karong Pebrero 13, 2016, alas 3 ang takna sa hapon diha sa Sonresa Beach, barangay Bayabas ning syudad.

Kini pasiugdahan sa Psychosocial Association of the Philippines kon PSAP ubos sa pagdumala ni Dr. Merlie Adaza, kaabag ang Badjao Task Force sa kagamhanang lokal.

Ang magkasal sa 16 ka paresan nga Badjao pagadumalahon sa usa ka ‘Baylan’ sa Higaonon nga si Roger Painato.

Ang mass wedding mahimong usa sa mga kalampusan sa PSAP ug Task Force Badjao. Sa milabay’ng Pasko, nanghatag usab sila og pinaskuhan sa mga Badjao ug feeding program.