CDO-Banner

High value crops, techno transfer alang sa mag-uuma gipahigayon

MAKABENEPISYO ang 170 ka mga mag-uuma ning syudad sa iapod-apod nga hybrid vegetable seeds sa SM Foundation Inc., Kabalikat sa Kabuhayan inabagan sa Harbest Agribusiness Corporation ug buhatan sa Agricultural Productivity Office (APO) nga gilusad karong adlawa, Pebrero 2 ning tuiga.

Matud ni Dr. Hector San Juan, city agriculturist, nga ang mga mag-uuma gikan sa Pagatpat ug kasikbit nga barangay mopailawom sa usa ka bulan nga technology transfer seminar lakip na ang pagpananom sa high value crops ug matapos sa Mayo 3 inubanan sa harvest period sa ilang mga tinanom.

Dugang ni San Juan ang mga abot sa mag-uuma paliton sa SM Food Group ug mapalit sa SM Supermarket, Hypermarket, Savemore ug SM Malls.

Lakip sa mga miabag sa maong proyekto ang Department of Agriculture Regional High Value Crops Development Program, Department of Social Welfare and Development Regional Office and SM group of companies.

Tumong sa maong proyekto nga mapalambo pa ang panginabuhian sa mga mag-uuma sa maong dapit diin usa ang agricultural productivity sa 8-point agenda ni Mayor Oscar Moreno.