CDO-Banner

500 ka pamilyang nasunogan sa Camaman-an nakadawat og ayuda

NAHUPAY ang gibati sa kapin 500 ka mga pamilyang naapektuhan sa sunog sa Tangcongan, Pinikitan, Camaman-an sakop ning syudad human miayuda ang kagamhanang lokal sa mga biktima pinaagi sa pagpanghatag og mga nag-unang panginahanglanon sama sa pagkaon, mga sinena, kaldero, banig, ug uban pa.
Taliwala sa paglisud-lisud sa City Council sa pag-aprobar lamang sa 500 mil lamang niadtong 2014 ug wala pag-aprobar hangtud karon sa gidusong supplemental budget sa CSWD balor 2.1 milyon ka pesos nga balayrunon sa syudad ngadto sa mga biktima sa sunog ubos sa Emergency Shelther Assistance, insigida gihapong mihatud sa Emergency Relief Assistance ang administrasyon ni Mayor Oscar Moreno pinaagi sa buhatan sa City Social Welfare and Development Office sa mga biktima sa Camaman-an.

Ang mga biktima kasamtangang misilong sa Camaman-an covered court ug Camaman-an Elementary School. Nasinati ang dakong sunog sa maong Brgy niadtong Pebrero 14.